ТҰРҒЫН ҮЙ-ЖАЙДЫ ПАЙДАЛАНУ ҚҰҚЫҒЫ

Текелі қалалық сотында «Тұрғын үй-жайды пайдалану құқығын тану туралы» тақырыбында дөңгелек үстел өтті.

Дөңгелек үстелге Текелі қалалық сотының төрағасы Олег Анисимов пен судья Ермек Дүйсембаев, Текелі қаласы әкімінің орынбасары Сержан Құрманбаев, Текелі қаласы прокурорының орынбасары Арман Қайыров, Текелі қаласының тұрғын үй-коммуналдық шаруашылық өкілдері, адвокаттар мен заң консультациясының өкілдері қатысты.

Дөңгелек үстел барысында қатысушылар жылжымайтын мүлікке қатысты мәселелерді, атап айтқанда, иелену мерзімі бойынша меншік құқығын тану, мәміле нысандарын сақтамай жасалған сатып алушылардың мәмілелері, сотпен жылжымайтын мүлікті иесіз деп қабылдау және есепке алуды тану туралы пікірлерімен бөлісіп, ортаға салып талқылады.

Текелі қалалық сотының төрағасы қатысушылардың назарын сотта негізінен тұрғын үй құқықтық қатынастарынан туындайтын келесі даулар қаралатындығына аударды. Бұл - тұрғын үйді қоныстандыру немесе шығару, тұрғын үйге меншік құқығын тану, тұрғын үйді пайдалану құқығын жоғалту, үлесті бөлу және т.б. туралы шағымдар. Мұндай жағдайларда дауды медиация тәртібімен реттеуге болатынын ескерсек те, талапкер немесе сатып алушы сотқа шағымданып жатады.

Сонымен қатар, жиында келесідей сұраққа жауап берілді: авариялық тұрғын үйге меншік құқығын тоқтатып басқа тұрғын үйге ауыстыру туралы. С. Құрманбаев жергілікті атқарушы органдар осындай проблемаға тап болғанын, бір адам өз пайдасы үшін апатты пәтерлерді қайта сатып алуы мүмкін екенін, сол арқылы қоныстанған кезде ол көп пәтерлерге үміткер болатынын айтты.

О. Анисимов дөңгелек үстелге қатысушылардың тұрғын үйге меншік құқығын, сондай-ақ авариялық үйлермен болған жағдайды тануға қатысты сұрақтарына тұщымды жауап берді.

Іс-шара соңында қатысушылар осындай пайдалы іс-шара үшін алғыстарын жеткізді.